Улс төрийн Боловсролын Академи, ХБНГУ-ын Конрад Аденауерын Сангийн дэмжлэгтэйгээр “Сонгуулийн Загвар” төслийн хүрээнд хэрэгжүүлж буй "Сонгуулийн ач холбогдол" сэдэвт лекцэнд ОТИС-ийн оюутнууд хамрагдлаа. Тус төсөл нь үндсэн 4 сэдвээр "Сонгуулийн удиртгал", "Хувь хүний сонголт", "Хуурамч мэдээлэлтэй хэрхэн тэмцэх", "Саналаа худалдах нь хэнд ашигтай вэ?" гэсэн чиглэлээр явагдлаа. Үүний дараа онолоо баталгаажуулахын үүднээс Нийгмийн иргэдийн бүлэг, Эх баригч нам болон Сөрөг хүчин гэсэн багуудад хуваагдан, сонгуулийн мөрийн хөтөлбөр боловсруулан өрсөлдөж, сонирхолтой хэлбэрээр практик түвшинд мэдлэгээ баталгаажуулсан юм.
