2022/10/14
"Монгол Улс ардчиллын баян бүрд мөн үү: Ололт амжилт, алдаа сургамж" сэдэвт ОУ-ын эрдэм шинжилгээний хурал энэ сарын 14-ний өдөр Улаанбаатар хотод зохион байгуулагдаж байна.
Энэхүү хурлын ерөнхий зохион байгуулагчаар Монгол улсын их сургууль, зохион байгуулагчдын нэгээр Отгонтэнгэр их сургууль хамтран ажиллаж байна.
Эрдэм шинжилгээний хуралд АНУ, Япон, БНСУ, БНЧУ, Чили зэрэг гадаад дотоодын 17 судлаач эрдэмтдийн ганцаарчилсан болон хамтарсан илтгэл хэлэлцүүлэгдэх бөгөөд Отгонтэнгэр их сургуулийн Г.Золзаяа, Г. Жаргалмаа, Николас Нацке багш нарын “Монгол дахь ардчиллын талаарх залуучуудын үзэл бодлын судалгаа”, хамтарсан илтгэл энэхүү хуралд хэлэлцэгдэнэ. Мөн ОТИС-ийн Сургалт, эрдэм шинжилгээ эрхэлсэн дэд захирал, доктор Б.Одгэрэл хоёр дахь салбар хуралд панелистаар оролцож байгаа юм.
Тус хурлаар Монгол Улсыг Ази дахь ардчиллын баян бүрд гэж тодорхойлж ирсэн боловч бид чухам яагаад ижил цаг хугацаанд ардчилсан нийгмийн тогтолцоонд шилжсэн бусад орнуудаас илүү амжилтад хүрэв, мөн алдсан алдаа сургамж байгаа бол үүний учир шалтгаан юунд оршиж байна гэдэгт бодитой судалгаа, шинжилгээнд үндэслэсэн хариултыг өгч, нийгмийг соён гэгээрүүлэх, олон улсад Монголын ардчиллын талаарх бодит мэдээллийг өгөхөд гол ач холбогдол нь оршиж байгаа аж.
