ХЗС-ийн төгсөгч төдийгүй багш. “Тулах цэг” мэтгэлцээний клубын үүсгэн байгуулагчдын нэг. 2016 онд Грект болсон дэлхийн их сургуулиудын аварга шалгаруулах мэтгэлцээний тэмцээнд Отгонтэнгэр ИС-ийг төлөөлөн Монгол Улсаас анх удаа мэтгэлцээний баг болж оролцсон. Үндэсний мэтгэлцээний аварга гэх эрхэм алдартай. Тиймээс Амарбатыг үгээр буулгаж авна гэдэг тийм ч амар зүйл биш шүү.

2002 онд сэтгүүлзүйн ангийг төгссөн. Өдгөө Ийгл ньюс телевизийн ахлах редактор. Тэрээр орчин үеийн сэтгүүлзүйн ертөнцөд оюутнууд өөрсдийгөө хэрхэн бэлдэх ёстой талаар ярьсан юм.

Анхны төгсөгчдийн нэг. Дараа нь сургуульдаа багшилсан төдийгүй анхны тэнхимийн эрхлэгчээр ажиллаж байв. Одоо тэрээр байгууллагын хөгжлийн сургалтаараа салбартаа танигдсан “Өөрчлөлтийг чиглүүлэгч” төвийн захирал юм.

Хууль зүйн сургуулийн захирал. МУИС-ийг хуульч мэргэжлээр төгссөнөөсөө хойш 40-өөд жил боловсролын салбарт ажиллаж буй. Харин ОТИС-д 1994 оноос хойш багшилж байна. Тэрээр багшлах хугацаандаа олж мэдсэн хамгийн үнэт туршлагаасаа бидэнтэй хуваалцсан юм.

Эдийн засаг-Бизнесийн удирдлагын сургуулийн захирал. 1999 оноос хойш Отгонтэнгэр ИС-д багшилж буй. Тэрээр аливаа зүйлд уйгагүй, тууштай хандахын чухлыг онцолж байна.

ОТИС-ийн зөвлөх профессор, Хууль зүйн шинжлэх ухааны доктор, профессор, Монгол Улсын гавьяат багш. 1995 оноос хойш ОТИС-д багшилж байна. 

Академич, Хуульзүйн шинжлэх ухааны доктор, профессор, Монгол Улсын гавьяат хуульч. 1993 оноос ОТИС-д багшилж эхэлсэн. Одоо бол ОТИС-ийн Эрдмийн зөвлөлийн гишүүн, мөн зөвлөх профессор. 

Хүмүүнлэгийн сургуулийн захирал. МУИС-ийг улс төр судлаач мэргэжлээр төгссөн бөгөөд 2014 онд “Эмэгтэйчүүдийн улс төрийн оролцоо” сэдвээр докторын зэргээ хамгаалжээ. Зөвхөн улс төр гэлтгүй, бүхий л салбарын шийдвэр гаргах түвшинд эмэгтэйчүүдийн оролцоо бага байгааг Одгэрэл багш ярианыхаа завсар онцолж байлаа. Гэхдээ энэ удаад тэрээр оюутан насанд тусгайлан олддог олон боломжуудын тухай ярьсан юм.

Сэтгүүлзүйн тэнхимийн эрхлэгч. Уралын их сургуулийг сэтгүүлч мэргэжлээр төгссөн. Оюутан байхаасаа л сонины сэтгүүлчийн замналыг сонгосон тэрээр сэтгүүлзүйн салбарт хүчин зүтгэж байгаад 1998 оноос ОТИС-д багшилж эхэлжээ.

Ахмад багш Д.Наранчимэг 2000-2012 оны хооронд Отгонтэнгэр их сургуулийн ректороор ажиллаж байв. Одоо бол Монгол Улсын Үндсэн хуулийн цэцийн гишүүн. Мөн олон арван судалгааны бүтээл, олон улсын төсөл хөтөлбөрүүдэд гардан оролцсон, Монголын хамгийн чадварлаг, нэр хүндтэй хуульч нарын нэг юм.

14 настайдаа Отгонтэнгэрийн оюутан, 18-тайдаа Отгонтэнгэрийн багш болоод зогсохгүй 27 настайдаа Бээжингийн хэл соёлын их сургуульд докторын зэргээ хамгаалжээ. Хятад хэлний заах арга барилаараа хамгийн чадварлаг багш нарын нэгд тооцогддог тэрээр өдгөө Гадаад хэлний тэнхимийн эрхлэгчээр ажиллаж байна.

МҮОНРТ-ийн дэд захирал Л.Нинжжамц Монголын хэвлэл мэдээллийн салбарт 20 жил ажиллахдаа олон хүнийг удирдаж, олон ч чухал үйл явцад гар бие оролцон, чухал шийдвэрүүдийг гаргахад өөрийн мэдлэг чадвараараа хувь нэмэр оруулж ирсэн, салбарынхаа чухал хүмүүсийн нэг. Их, дээд сургуулийн чансаа төгсгөсөн төгсөгчдөөрөө үнэлэгддэг. Анх 2006 онд энэ л жишгийн дагуу “Отгонтэнгэр” их сургуулийг сонгон элсэж байсан тэр өнөөдөр, өөрөө сургуулийнхаа нэрийг өндөрт өргөх, шинэхэн оюутнуудын үлгэр дуурайлал, урам зориг болох төгсөгчдийн нэг нь болжээ.

ЭЗБУС-ийн Олон улсын менежментийн ангийн оюутан. Тэрээр хоёрдугаар курсийнхээ хавар солилцооны хөтөлбөрт хамрагдан Тайваний Мин Чуаны их сургуульд суралцжээ. Энэ хөтөлбөрт тэнцсэн гол шалтгаан нь түүний англи хэлний мэдлэг байв. Гэхдээ сурагч байхдаа англи хэлэндээ тийм ч мундаг байгаагүй гэнэ. 

2015 онд Олон улсын худалдааны менежментийн ангийг төгссөн. Одоо бол АНУ-ын Линкольн их сургуульд суралцаж буй. Оюутны холбооны гишүүнээс дарга хүртэл дэвшсэн түүнийг хамгийн нэр хүндтэй, үлгэр жишээч дарга гэдгээр нь багш оюутнууд андахгүй.

Хятад хэлний ангийн оюутан.  Ахлах ангиасаа бага ангийн  сурагчдад хятад хэлний хичээл  гэрээр зааж эхэлжээ. Хятадад  нэг ч удаа очиж үзээгүй  хэрнээ хятад хэлний түвшин  тогтоох HSK шалгалтад 5  оноо авсан байна. Үүнээс гадна  тэрээр Хятадын элчин сайдын  нэрэмжит тэтгэлэгт оюутан  юм.

ХЗС-ийн Бизнесийн эрх зүйн ангийг 2011 онд төгссөн. Сургуулийнхаа сагсан бөмбөгийн шигшээ багт хүчний довтлогчийн байрлалд тоглож байсан тэрээр оюутан болохоосоо өмнө огт сагс тоглодоггүй байв. Одоо тэрээр Үйлдвэр хөдөө аж ахуйн яаманд мэргэжилтнээр ажилладаг.

ЭЗБУС-ийн Санхүүгийн удирдлагын ангийг 2016 онд төгссөн. Гудманд бөмбөг өшиглөж өссөн тэрээр оюутан болоод хөлбөмбөг, хичээл хоёрыг хослуулж чадаагүйгээс их сургуулиа орхихоос өөр аргагүйд хүрчээ. Гэвч тэр дахин нэг удаа даагаа нэхэхээр шийдсэн нь Отгонтэнгэр ИС байв. Их сургуулиудын дундахь Дуулиан тэмцээнд анх удаа түрүүлж, шилдэг тоглогчоор нэрлэгдэхийн хажуугаар хичээлээ ч бас орхигдуулаагүй байна.

2011 онд Санхүүгийн удирдлагын мэргэжлээр төгссөн. Гэвч өдгөө менежментийн салбарт ажилладаг төдийгүй хувийн компаниа үүсгэн байгуулжээ. Үүний учир холбогдол гэвэл, 2009 онд Отгонтэнгэрийн оюутнууд Менежментийн улсын олимпиадад анх удаа аваргалсан юм. Өнөрсайхан тэдний нэг байлаа.

Удирдах зөвлөлийн дарга, зөвлөх профессор. Сүүлийн 40-өөд жил боловсролын салбарт ажилласан туршлагатай. Монголын хөрөнгийн биржийн захирлаар ажиллаж байсан. Багш нарын дурсамж яриагаар бол, Дорлигсүрэн багшаар гадаад хэл заалгасан хүн маш олон. Нэг л мэдэхэд, бараг л хүчээр шахуу, “шавь” нь болчихсон байдгаа өдгөө ч гэсэн багш нар дурсан ярьдаг. Тэгвэл Дорлигсүрэн багш энэ тухайгаа ингэж ярьсан юм.

Сургуулийн ерөнхий менежер, мөн сагсны багийн менежер. 14 жилийн өмнө Отгонтэнгэр их сургуульд жижүүрээр ажилд орж байсан бол өнөөдөр тус сургуулийн ерөнхий менежерээр ажиллахын зэрэгцээ сургуулийн сагсны багийг өнөөдрийн өндөр амжилтанд хүрэхэд гол үүрэг гүйцэтгэсэн байна. Тууштай байж, эхлүүлснээ дуусгах нь миний гол зарчим гэж инээмсэглэн өгүүлэх тэрбээр өөрийн ажлын хамгийн сайхныг бидэнтэй хуваалцсан юм.

ОТИС-ийн дэд захирал. Бээжингийн их сургуулийг олон улсын харилцааны мэргэжлээр төгсчээ. Тэрээр 2015 оны зун Харвардын “Leadership Trek” хөтөлбөрт хамрагдан Азийн цөөнгүй орноор явж сургалт, семинар зохион байгуулжээ. 

ХЗС-ийн эрхзүйн ангийн оюутан, Оюутны холбооны тэргүүн. Отгонтэнгэр ИС-ийн Оюутны холбооны сонгууль Афины сонгодог ардчиллын зарчмаар жил бүрийн 4-р сард болдгоороо өвөрмөц. Оюутан бүр санал өгөх эрхтэй бөгөөд сонгуульд ялсан оюутан 9-р сард ажлаа хүлээж авах хүртлээ бүтэн жилийнхээ төлөвлөгөөг боловсруулдаг. Харин энэ удаад тэрээр Отгонтэнгэрт яагаад элсэн орох болсноо онцлон ярьсан юм.