Бид сургалт, боловсролын үйлчилгээний чанарыг тасралтгүй сайжруулах, менежментийн тогтолцоогоо олон улсын жишигт хүргэх зорилгын хүрээнд Боловсролын байгууллагын менежментийн тогтолцооны MNS ISO 21001:2021 стандартыг нэвтрүүлэхээр зорин ажиллаж байна. Өнөөдөр манай сургууль дээр Стандарт хэмжил зүйн газрын шинжээчдийн баг ажиллаж, стандартын хэрэгжилт, баталгаажуулалтын үнэлгээг хийж байна. ISO 21001:2021 стандарт нь: Суралцагч төвтэй, чанартай боловсролын үйлчилгээг бүрдүүлэх, Нийгмийн хариуцлагатай, хүртээмжтэй орчныг бий болгох, Сургуулийн удирдлага, зохион байгуулалтыг олон улсын түвшинд хүргэх ач холбогдолтой юм.