ХЗС-ийн төгсөгч төдийгүй багш. “Тулах цэг” мэтгэлцээний клубын үүсгэн байгуулагчдын нэг. 2016 онд Грект болсон дэлхийн их сургуулиудын аварга шалгаруулах мэтгэлцээний тэмцээнд Отгонтэнгэр ИС-ийг төлөөлөн Монгол Улсаас анх удаа мэтгэлцээний баг болж оролцсон. Үндэсний мэтгэлцээний аварга гэх эрхэм алдартай. Тиймээс Амарбатыг үгээр буулгаж авна гэдэг тийм ч амар зүйл биш шүү.

2002 онд сэтгүүлзүйн ангийг төгссөн. Өдгөө Ийгл ньюс телевизийн ахлах редактор. Тэрээр орчин үеийн сэтгүүлзүйн ертөнцөд оюутнууд өөрсдийгөө хэрхэн бэлдэх ёстой талаар ярьсан юм.

Анхны төгсөгчдийн нэг. Дараа нь сургуульдаа багшилсан төдийгүй анхны тэнхимийн эрхлэгчээр ажиллаж байв. Одоо тэрээр байгууллагын хөгжлийн сургалтаараа салбартаа танигдсан “Өөрчлөлтийг чиглүүлэгч” төвийн захирал юм.

14 настайдаа Отгонтэнгэрийн оюутан, 18-тайдаа Отгонтэнгэрийн багш болоод зогсохгүй 27 настайдаа Бээжингийн хэл соёлын их сургуульд докторын зэргээ хамгаалжээ. Хятад хэлний заах арга барилаараа хамгийн чадварлаг багш нарын нэгд тооцогддог тэрээр өдгөө Гадаад хэлний тэнхимийн эрхлэгчээр ажиллаж байна.

МҮОНРТ-ийн дэд захирал Л.Нинжжамц Монголын хэвлэл мэдээллийн салбарт 20 жил ажиллахдаа олон хүнийг удирдаж, олон ч чухал үйл явцад гар бие оролцон, чухал шийдвэрүүдийг гаргахад өөрийн мэдлэг чадвараараа хувь нэмэр оруулж ирсэн, салбарынхаа чухал хүмүүсийн нэг. Их, дээд сургуулийн чансаа төгсгөсөн төгсөгчдөөрөө үнэлэгддэг. Анх 2006 онд энэ л жишгийн дагуу “Отгонтэнгэр” их сургуулийг сонгон элсэж байсан тэр өнөөдөр, өөрөө сургуулийнхаа нэрийг өндөрт өргөх, шинэхэн оюутнуудын үлгэр дуурайлал, урам зориг болох төгсөгчдийн нэг нь болжээ.

Отгонтэнгэр их сургуулийн төгсөгч гэдгээрээ үргэлж бахархаж, ажил амьдралдаа амжилт бүтээл гаргахдаа үе үеийн эрдэмтэн мэргэд, багш нартаа талархаж явдаг. Анх суралцах арга барил, хариуцлагатай байх, хүний итгэлийг даах гэх мэт олон чухал чанаруудыг суулгаж өгсөн сурган хүмүүжүүлэгч багш нарын маань хичээл зүтгэл миний ажил амьдралын бүхий л цаг үед үргэлж сайн сайхан зүйл, амжилт бүтээл гаргахад нөлөөлсөн. Хууль зүйн салбар, төрийн алба, бизнесийн болон сэтгүүл зүй, гадаад харилцааны чиглэлийн шилдэг боловсон хүчин, сэхээтнүүдийг бэлдэн гаргадаг эрдмийн их уурхай Отгонтэнгэр сургуульдаа багш нартаа төгсөгчдөдөө баяр хүргэж амжилт хүсье.

ЭЗБУС-ийн Олон улсын менежментийн ангийн оюутан. Тэрээр хоёрдугаар курсийнхээ хавар солилцооны хөтөлбөрт хамрагдан Тайваний Мин Чуаны их сургуульд суралцжээ. Энэ хөтөлбөрт тэнцсэн гол шалтгаан нь түүний англи хэлний мэдлэг байв. Гэхдээ сурагч байхдаа англи хэлэндээ тийм ч мундаг байгаагүй гэнэ. 

2015 онд Олон улсын худалдааны менежментийн ангийг төгссөн. Одоо бол АНУ-ын Линкольн их сургуульд суралцаж буй. Оюутны холбооны гишүүнээс дарга хүртэл дэвшсэн түүнийг хамгийн нэр хүндтэй, үлгэр жишээч дарга гэдгээр нь багш оюутнууд андахгүй.

Хятад хэлний ангийн оюутан.  Ахлах ангиасаа бага ангийн  сурагчдад хятад хэлний хичээл  гэрээр зааж эхэлжээ. Хятадад  нэг ч удаа очиж үзээгүй  хэрнээ хятад хэлний түвшин  тогтоох HSK шалгалтад 5  оноо авсан байна. Үүнээс гадна  тэрээр Хятадын элчин сайдын  нэрэмжит тэтгэлэгт оюутан  юм.

ХЗС-ийн Бизнесийн эрх зүйн ангийг 2011 онд төгссөн. Сургуулийнхаа сагсан бөмбөгийн шигшээ багт хүчний довтлогчийн байрлалд тоглож байсан тэрээр оюутан болохоосоо өмнө огт сагс тоглодоггүй байв. Одоо тэрээр Үйлдвэр хөдөө аж ахуйн яаманд мэргэжилтнээр ажилладаг.

ЭЗБУС-ийн Санхүүгийн удирдлагын ангийг 2016 онд төгссөн. Гудманд бөмбөг өшиглөж өссөн тэрээр оюутан болоод хөлбөмбөг, хичээл хоёрыг хослуулж чадаагүйгээс их сургуулиа орхихоос өөр аргагүйд хүрчээ. Гэвч тэр дахин нэг удаа даагаа нэхэхээр шийдсэн нь Отгонтэнгэр ИС байв. Их сургуулиудын дундахь Дуулиан тэмцээнд анх удаа түрүүлж, шилдэг тоглогчоор нэрлэгдэхийн хажуугаар хичээлээ ч бас орхигдуулаагүй байна.

2011 онд Санхүүгийн удирдлагын мэргэжлээр төгссөн. Гэвч өдгөө менежментийн салбарт ажилладаг төдийгүй хувийн компаниа үүсгэн байгуулжээ. Үүний учир холбогдол гэвэл, 2009 онд Отгонтэнгэрийн оюутнууд Менежментийн улсын олимпиадад анх удаа аваргалсан юм. Өнөрсайхан тэдний нэг байлаа.